საჭიროების კვლევა 2021-2022 სასწ.წელი

 

ეფექტური სტრატეგიების  გამოყენებით  მოსწავლეებში მედიაწიგნიერების  უნარების განვითარება  

 საჭიროების კვლევის ანგარიში  /მონაცემები/ანალიზი/შედეგები

           ზოგადსაგანმანათლებლო დაწესებულებას თანამედროვე სწრაფად განვითარებად სამყაროში მნიშვნელოვანი როლი აკისრია მოსწავლეებში 21 -ე საუკუნის უნარების განვითარებასა და ხელშეწყობაში , უპირატესობა ენიჭება ინფორმაციის სწრაფ ათვისებას , დახარისხებას, ინტერპრეტირებას , ციფრული ტექნოლოგიების როლს , კერძოდ მედიაწიგნიერების საბაზისო ჩვევების განვითარებას , რომელთა ფლობა გადამწყვეტია თანამედროვე სამყაროში თვითრეალიზებისა და სათანადო ადგილის დასამკვიდრებლად , რაც  კრიტიკულად მნიშვნელოვანია მოსწავლისთვის  მომავალში  წარმატების მისაღწევად.

          მასწავლებელს ეკისრება მნიშვნელოვანი როლი  ცოდნის შექმნის , საჭირო  ინფორმაციის თავმოყრის , მოსწავლის ცხოვრებასა და სკოლის გარეთ არსებულ სამყაროსთან დამაკავშირებელი ხიდის მშენებლობაში  სკოლის  საერთო ინტერესებისა და მიზნების მისაღწევად .

 სსიპ . დავით სარაჯიშვილის სახელობის ქალაქ თბილისის N16 საჯარო სკოლაში 2021-2022 სასწავლო წელს თებერვალ-ივნისში კოლეგებთან თანამშრომლობით ჩავატარეთ ზოგადსაგანმანათლებლო საჭიროების კვლევა , სადაც გამოიკვეთა მოსწავლეებში მედიაწიგნიერების  უნარების განვითარებისათვის საჭირო სტრატეგიების გამოყენების პრობლემა.

 

კვლევის მიზანი:

·         მასწავლებლების საჭიროებების დადგენისა და მისი გადაჭრის გზების/აქტოვობების შეთავაზება არსებული პრობლემის გადაწყვეტისთვის .

·         ხელი შევუწყოთ მასწავლებელთა პროფესიულ განვითარებასა  და მოსწავლეთა მედიაწიგნიერების საბაზისო უნარების ჩამოყალიბებაში.

 

        კვლევაზე მუშაობა:  სსიპ. დავით  სარაჯიშვილის სახელობის ქალაქ თბილისის N16 საჯარო სკოლის მასწავლებლები : ანნა კვარაცხელია , ხათუნა ქუმელაშვილი , ნანა მერკვილაძე.

შედეგები :  საჭიროებების განსაზღვრის საფუძველზე მიღებული ეფექტური ნაბიჯების გადადგმით , კოლეგებთან ურთიერთანამშრომლობით შემუშავებული სტრატეგიების გამოყენებით მოსწავლეებში მედიაწიგნიერების  უნარების განვითარებისთვის ხელშემწყობი გზების გამოვლენა , დანერგვა , მოსწავლეებისთვის სწორი მიმართულების მიცემა . კვლევის ფარგლებში დაიგეგმა მომავალი სასწავლო წლის სამოქმედო გეგმა , რომელიც გულისხმობს მედიაწიგნიერების უნარების უფრო ფართო სპექტრით გამომუშავებასა და ხელშეწყობას , სკოლის მასწავლებელთა უფრო ფართო  საზოგადოებისა და სხვადასხვა საფეხურის კლასების უმეტესი რაოდენობის  ჩართვას.